Aımaq basshysy Qumar Aqsaqalov pen «Fortebank» AQ-y basqarmasynyń tóraǵasy Maǵjan Áýezov ekeýara áńgime barysynda jergilikti baǵdarlamalardy júzege asyrýdyń keleli máselelerin ortaǵa saldy. Onyń ishinde ekinshi dárejeli bankterdiń qarjylandyrý múmkindikterine toqtaldy.
«Biz ashyq iskerlik baılanystarǵa árkez ázirmiz. Bul baǵytta kásipkerlerge jan-jaqty qoldaý kórsetiledi», dedi Qumar Irgebaıuly.
M. Áýezov óz sózinde banktiń kredıttik portfeli 6,5 mıllırad teńgeni quraıtynyn, ozyq jobalar birinshi kezekte qamtylatynyn jetkizdi. Onyń bir mysalyna oblys ortalyǵynda memlekettik-jekemenshik áriptestik aıasynda salynyp jatqan tennıs kortyn atady. Mundaı áleýmettik qarym-qatynastar odan ári jalǵasady.
Qos taraptyń syndarly kezdesýinen keıin ózara yntymaqtastyq kókjıegin odan ári óristerý týraly memorandýmǵa qol qoıyldy.
Petropavl qalasynda banktiń fılıaly ashylyp, turǵyndarǵa birneshe qyzmet túrleri usynyldy.
Búginde banktiń oblys boıynsha 23 myńnan astam tutynýshysy bar.
О́mir Esqalı,
«Egemen Qazaqstan».
